سؤال رياضيات

قد يبدو السؤال بسيطاً و لكن لي فيه مآرب أخرى، أكون شاكراً لكن من (تـ)يبدي رأيها(ـه).

كيف نوجد الحلول الصحيحة الموجبة لمعادلة رياضية من الدرجة الأولى بعدد مجاهيل أكبر من 1؟ و من ثم كيف نوجد الحلول الصحيحة الموجبة لجملة من المعادلات الخطية بعدد مجاهيل أكبر من عدد المعادلات؟
تعديل: نسيت أن أقول الموجبة فقط، و تكفي حالة جميع الثوابت صحيحة و موجبة.

يعني لا ضرورة لشرح كثير، ما بدي عذّب أحد، لكن بالقدر الكافي للتوضيح و إن كان مختصر جدا.

أطيب التحيات.

Advertisements

الأوسمة: , , , ,

16 تعليق to “سؤال رياضيات”

  1. أمنيّة Says:

    اي وين السؤال
    انا بس شفت اشارتين استفهام..بس ما عم يبين معي السؤال.

  2. salam Says:

    ما عرفت قصدك يا أمنيّة، يا ريت توضحيلي أكتر 😦

  3. أمنيّة Says:

    هههههههههه

    و عملت توضيح و تعديل
    ؟
    قصدي اني لو بعيش مية سنة لئدام ما رح افهم السؤال
    متل كأني عم اقرا شي صيني

    اصلي غبية توو متش
    بس يعني عنجد هدا سؤال ؟ يعني مو لعبة ..يعني سؤال اله جواب؟

  4. salam Says:

    يعني والله ما بعرف يا أمنيّة إن كان تعليقك يعني أن سؤالي سخيف لدرجة عالية علما أني أشرت إلى بساطة السؤال و أني سألته لأسباب غير مرتبطة تماما بالرياضيات، أو إن كان فعلا السؤال غير واضح و بالتالي ما إلي غير أني وضّح أكتر:

    ما هي الحلول الصحيحة الموجبة المعادلة :

    2x + 7y = 73

    و سؤالي ليس ما هي الحلول تماما إنما كيف نوجدها، فمثلا (x = 12 , y=7) هو حل لهذه المعادلة و يوجد حلول أخرى.

    تحياتي أمنيّة

  5. Ayman Says:

    Have a look at Bézout’s identity for solving diophantine equations of the form ax + by = d.

    The algorithm can easily be extended to solve linear diophantine equations of more than two variables.

    These should be enough pointers to get you going. 🙂

  6. Mazen Says:

    مرحباً سلام 🙂 ,,

    تفحص بريدك الإلكتروني ……

    سلامة

  7. dima87 Says:

    بنفرض أحد المجاهيل عدد مناسب ” مافينا أي عدد لان بدك صحيح وموجب ”
    وبنحسب بدلالته المجهول التاني
    بالمثال يلي انتي ذاكرو مثلا
    بنفرض y= أي عدد فردي وبنحسب بعدها x

    مزبوط ولا حكيي مالو علاقة بالقصة يلي قصدك عنها :d:d

  8. سيدة الزرقة Says:

    محسوبتك بكالوريتها أدبي

    الرياضيات من العاشر تحول عندي إلى مرضيات أبصر ليش !!؟؟

    ودٌّ

  9. Icarus Says:

    مرحبا ..

    رح اعتبر إني ما بعرف شو هيه المآرب الأخرى لذلك رح نرجع على رياضبات التاسع يمكن :

    بالنسبة لمعادلة من الدرجة الأولى يمجهولين ، فهي معادلة خط مستقيم ، لذلك هناك دائما عدد لا نهائي من الحلول ، الحل يعني الوصول لنقطة معينة من المستقيم و أظن هالشيء مستحيل طالما لا توجد معادبة تانسة تحدد العلاقة بين المتغيرين ،لنحصل على شكل المستقيم الذي يمثل مجموعة الحلول ، مثلا لمعادلة س +ع = 5 ، نفرض س = 0 فيكون = 5 ، ثم ع = 0 فيكون س = 5 ، فيكون عندنا نقطتين إحداثياتهم (0،5) و (5،0) نصل بين هاتين النقطتين بخط مستقيم ، يمتد لللانهاية ، نلاحظ أن المستقيم سيمر بمجموعة نقط ، أذكر منها (1،4) (4،1) (3،2) (2،3) (-10،5) و عدد لا متناهي من الحلول…

    و لا أظن أن هناك داعي لذكر فكرة الموجب و السالب ، لأن حل الرسم سيعطي جميع النقط ، يمكن إهمال أي قسم من المستقيم لا يمر بالربع الأول حيث أنه الوحيد الذي يكون فيه س و ع موجبين … بكل الأحوال هل حكي كلو لا لزوم له لأن الحلول الموجبة و الصحيحة ماولت لا نهائية ..

    و بعد هالعلاك كلو ، واضح انو الجواب المطلوب مالو علاقة بالسؤال المطروح ، و بانتظار الجواب لأنو ما رح اقعد اشرح كيفية حل جملة معادرت بمجاهيل أكثر من عدد المعادلات ، رغم انو النتيجة واحدة و هيه عدد لا نهائي من الحلول.

    تحياتي ، بس من وقت امتحان الجي مات ما حليت معادلات رياضية.

  10. salam Says:

    أيمن

    لو بعرف أني إذا كتبت بالعنوان رياضيات رح تزورني لكنت عملتها من زمان، أسعدني وجودك هون جدّا.
    بالنسبة للمعادلات، أنا بعرف طرق شائعة و من بينها اللي موجود بالروابط اللي حطيتها و لكن كنت عم قول أنو هل يوجد طرق أخرى؟ و من جهة أني عم فكر بأشياء يمكن تكون غبية طلع معي لازم حل معادلات عدد مجاهيلها أكبر من عددها دون تجريب و دون المرور بقيم سالبة، ف هيك.
    شكرا عالروابط، و سعيد أنو أيمن مرّ من هنا 🙂

  11. salam Says:

    Mazen

    شكرا ع رسالتك، و عالملفات.
    أطيب الأوقات…

  12. salam Says:

    ديمة

    كلامك صحيح لكن رح يطلع معنا حلول غير صحيحة و سالبة، كان القصد أني أريد طرق حل دون تجريب و نتائج صحيحة موجبة.

    و بالمثال اللي ذكرتو ممكن يكون حل بسيط هو متل ما قلتي وضع قيم صحيحة لأحد المتحولات و حساب الآخر حتى بحيث لا نتجاوز المجال اللي بتكون فيه قيم المتحولات صحيحة و موجبة، و بالتالي ممكن نجرب قيم x من الصفر و لغاية الـ 36 و حساب قيم y المقابلة و استبعاد الحلول التي لا تحقق المطلوب (قيم غير صحيحة).

    تحياتي ديمة، أوقاتك خير…

  13. salam Says:

    سيدة الزرقة

    حتى لو بكالوريا أدبي، الفكرة لا تحتاج أكتر من أفكار صف تاسع 🙂 ، لكن فيه نظريات متل الموجودة بالروابط اللي وضعها أيمن ما معطية بالمدارس حتى البكالوريا يعني، و إن علمي.

    أطيب الأوقات…

  14. salam Says:

    Icarus

    أهلا، طيب و بثلاثة مجاهيل و أربعة…
    أنا معك، معادلة مستقيم و نختار منه النقاط الموجودة في الربع الأول حيث الإحداثيات موجبة، لكن هذا حل هندسي.
    ثم عن طريق هذا الحل كيف نوجد الحلول الصحيحة فقط، فأنا أطلب القيم الصحيحة الموجبة ليس للتسهيل، إنما لأنني أريد طريقة حل لا تعطيني إلا النتائج الموجبة الصحيحة بعيدا عن التجريب.

    و في الحالة هذه التي أقولها أنا، لا، لا يوجد عدد لا نهائي من الحلول بالطبع.

    نقول عن المعادلة أن لها حلول صحيحة إن كان القاسم المشترك الأكبر لـ “أمثال” المتحولات يقسم الثابت، و نقول لها عدد لا نهائي من الحلول (لا الصحيحة و الموجبة) أما إن كان لا يقسمه فنقول لا حلول صحيحة.

    أهلا فيك و شكرا ع لفتك حول المستقيم أنا كنت متوجه أكتر عالحلول الجبرية 🙂

    أطيب التمنيات…

  15. بحر 2009 Says:

    مستحيلة الحل

  16. زكرياء Says:

    السلام عليكم و رحمة الله بس ممكن ترسلولي شرح الموضوع

    الي بتتشاورو فيه و ملاحظة انني لم أفهم طريقة إيجاد الحلول الموجبة فقط.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: