6 خفايا أو أسرار كما تدّعون

6 شغلات ما بيعرفها عنك اللي بقابلك لأول مرة ! ما بعرف شو السر باختيار العدد 6 ، المهم فرح عزمتني حتى احكي عن هالـ 6 شغلات.

صراحة بحس حالي مفهوم و واضح من قبل أي شخص بشوفني لكن مع هيك رح احكي كم شغلة غريبة.

– أُسقِط الأحداث اللي بتصير بالحياة معي أو الأفكار أو الناس أو .. يعني أي شي تقريبا عالمحاور الديكارتية يعني اسقاطات و تحويلات هندسية و مستقيمات و نقاط و توابع جيبية و … و أحيانا ميكانيك و حركة و قوانين فيزيائية أو قذف نواة ذرة بلوتونيوم أو يورانيوم … إلخ .

– لما بمشي عأرض فيها بلاط مربعات أحاول أن أمشي كحركة الحصان في الشطرنج دائما و منذ زمن بعيد و أن لا أضع قدمي على حدود البلاط و إذا أخطأت أحس بأني ارتكبت خطيئة.

– مهما كان الآخر ، أنفر منه بشدة إذا اكتشفت أنه بخيل حتى لو لم تكن علاقتي به تقتضي أن يكون كريما.

– أكره اللهجة المصرية في كل المحافل و خصوصا لما بكون محلل سياسي مثلا عالتلفزيون ، يعني بحس بخرّبوا اللغة العربية لأن كل اللي بيحكوا باللغة العربية الفصحى تنلغي من خلال حديثهم الكلمات و الألفاظ المحلية إلا المصريين لا يلفظون الحروف بشكل صحيح حتى لو تكلموا بالفصحى.

– أفكاري متقلبة أحاول دوما أني “اطْلَع” يعني “أصعد” عالأفكار القديمة لأوصل لأفكار أعلى.

– كثير من الأحيان يكلمني شخص و يشرح لي عن موضوع ما مطولا و أنا أفكر بشيء آخر تماما ، خصوصا في الآونة الأخيرة بعد أن حطمت اجرائية قوية جدا الـ Timer و دخلت الـ CPU في حلقة تكرار بدون شرط انتهاء و لكن أحب ذلك جدا.

– أتابع المصارعة الحرة و خصوصا Undertaker

تمرير هذا الواجب إلى 6 ! ما بعرف ، تحركاتي بين المدونات قليلة عكل إذا بحبو بيلسان و ابن الشمال و رنا إذا بحبّو حصرا.

عفكرة ربما لا المرة الأولى و لا الألف يكتشف من يقابلني بعض هذه الأمور و غيرها مما لم أذكره.

Advertisements

الأوسمة:

7 تعليقات to “6 خفايا أو أسرار كما تدّعون”

  1. احمد بكداش Says:

    انا اعتقد ان ما اعرفه عن سلام (الذي تشرفت بمقابلته مرتين على ما اذكر وسريعا ) انه شاب يملك عقلا ..والاهم .. انه يستعمله ويستعمله …
    وهذه صفة نادرة الوجود هذه الايام .. وعظيمة .. واه واه ..ممن يستعمله ..

  2. علوش Says:

    بقا طلعت متلي، أنا بحب أمشي على البلاط المربع بخط مستقيم وإنو ما أدقر الحواف نهائياً

  3. AGdedouy Says:

    الله يسامحك شو دخل النووي بالموضوع
    قذف نواة ذرة بلوتونيوم أو يورانيوم

  4. محمد max13 Says:

    بتوقع كل ما قلتو بيعكس صورة شخص حساس جدا وعجبتني صورة الحصان ومتلك كمان بخاف ادقر بالخطوط واذا دقرت بحس بشي خطأ
    جميل ودي

  5. farah m Says:

    عندي موقع ههههه

    وانا كمان بنفر كتير من الناس البخلا بحس انو لازمن مين يصحين انو مافي شي دايم

    بس والله صعبة اسقاط الاحداث عالمحاور وما بعرف شو يعني الحياة هي مو 1 1=2 .. بحس حالي هفوت بالحيط ازا بجرب أعمل هيك خصوصي اني ما بفهم شي بالرياضيات منيح اللي عرفت اجمع

    شكراً سلام على حل الواجب واستجابتك اللطيفة

  6. مستر بلوند Says:

    يستر عليك ما صدقت ايمت خلصت مدرسة واحداثيات واسقاطات وديكارت .. رجعت ذكرتني فيهم

    بس بتعرف طريقة تفكريك بهالحالة أكيد حتكون كثير منطقية ودقيقة وعملية .. بس يمكن تكون بعيدة عن الموضوعية .. بجميع الأحوال يمكن تكون ممتعة بالنسبة إليك بس أنا ما حجربها

  7. salam Says:

    تحايتي لكم جميعا

    أحمد بكداش ، شكرا إلك.

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: